Уулын дээгүүр дүүжин кабелиар аялах

Вьетнамын Бана Хиллсийн алдарт дүүжин кабелиар уулсын оргил, өтгөн ногоон ой, үүл мананг дээрээс нь тольдон харж, байгалийн гайхамшгийг өндрөөс мэдрэх мартагдашгүй аялал юм.

Дананг хотын ойролцоох Sun World Ba Na Hills нь уулын дээгүүр татсан урт дүүжин кабелийн замаараа алдартай. Кабины цонхоор уулсын налуу, өтгөн ой, хүрхрээ болон үүл мананд хучигдсан оргилуудыг панорамаар харах боломжтой. Дээш өгсөх тусам байгалийн өнгө төрх өөрчлөгдөж, далайн түвшний халуун уур амьсгалаас сэрүүн уулын орчинд хүрнэ. Кабелийн аяллын үеэр гайхалтай зураг авч, уулсын сүрлэг үзэмжийг тайван тухлан сонирхоорой. Оргилд хүрсний дараа Алтан гүүр (Golden Bridge), Франц тосгон болон цэцэрлэгт хүрээлэнгээр үргэлжлүүлэн аялж болно.

Зургийн цомог

Онцлох зүйлс

Панорама үзэмж: Уулс, ой мод, үүл мананг өндрөөс харах
Дэлхийн алдарт кабелийн зам: Бана Хиллсийн урт дүүжин кабелиар аялах
Байгалийн үзэсгэлэн: Ногоон ой, уулын хөндий, хүрхрээний төрхийг ажиглах
Алтан гүүрээр зочлох: Аварга чулуун гар дээр тогтсон мэт алдарт гүүрээр алхах
Франц тосгон үзэх: Европ хэв маягийн барилга, талбай, архитектуртай танилцах
Гэрэл зураг авах: Уулсын сүрлэг төрх, үүлэн дундах кабины аяллыг дурсамж болгон хадгалах
Уулын сэрүүн агаарт амрах: Дананг хотын халуун уур амьсгалаас түр холдож, уулын орчныг мэдрэх

Санал болгох